Главная Стартовой Избранное Карта Сообщение
Вы гость вход | регистрация 27 / 10 / 2021 Время Московское: 3330 Человек (а) в сети
 

Наьна мотт - къаман ганз

Массахана хиннадац г1алг1ай метта дешари йоазуви.
Г1алг1аша шоай къаман мотт 1омабар дезаш, г1алг1ай йоазонхочо Мальсагов Кураза Зоврбика баь т1ахьехам укх тайпара ба:

вахаш вола саг дунен хьисап ханза, 1омаданза валац. Ца дийшача саг баьде, б1аргаш дайна ва. Готта а баьде ба цун никъ. 1омаделаш г1алг1ай мотти, йоазуви! Накъадаргда шоана из!
Дукхача моттигашка, нах в1ашаг1кхийттача, вай наьна метта хьал хьоаду.
Дукха бац вайна юкъе ц1ена г1алг1ай мотт бувца ховш, хьашт дале, деша ховш а вай метта. Хувцамаш дукха хиннад вай метта юкъе, из чоалхане бийрзаб наьха вахаро хьал санна. Х1ара г1алг1а ховш хила веза ший мотт, язде, деша ховш ший меттала. Культураца, меттаца мара довзаш къаман лакха г1улакхи, оамали. Вайна юкъе хьахиннаб керда мотт, из ба эрсе ? г1алг1ай мотт: ца1 г1алг1ай дош, кхоъ ? эрсе. Эрсий мотт аттаг1а ба оал дукхаг1чар.
Ши б1аь цхьоалаг1ча шера, ЮНЕСКОс вай мотт бовш д1абоалаш латтача метташта юкъе бихьаб. Хала хет иззамо х1ама хезача, меттаца ювзаенна культура, къаман оамал, г1улакх да. Дукха кицаш, ховли ? довзалеш, сакъердаме дувцараш, фальгаш, цу х1амашца лоаттабаьб из мотт вай даьша. Дика хет г1алг1ай меттала кинижка арахийцача, газета т1а язъяь статья б1аргаяйча, кхыметтел таржам даь оаз д1аязъяь мультфильм дайча.
Дукха ха йоацаш, вурийттлаг1ча сентябре, «Г1алг1айче» яха вай халкъа телевидении «Нана?лаьтта» аьнна, г1алг1ай метта даьккхача «Home» яхача 1илман оаг1онаш теркалъеш долча фильман мах беш в1ашаг1кхетар хилар. Цига бийхабар вай меттаца къахьегаш бараш, йоазонхой, кхыбараша а.
Фильман г1алг1ай метта таржам а даь, оаз д1аяьзъяр ва МГУ балха волаш, англи метта хьехархо вола Пхьарг1илнаькъан Мохьаммад.
Дукха керда терминаш я цу фильман таржам деш йоалаяь. Из ч1оаг1а боккха кхаъ ба, вай къаман лоарх1ам бола г1улакх да. Ший болча кхоачамца къахьийга таржам даьд Мохьаммада цу фильман.
Моллаг1а волча саго дикаг1а т1аэц ший меттала дола х1ама, дика хет яьздеи дешаи ховш бараш вайна юкъе дукха беце а, г1алг1ай меттала хьадувца къамаьл кхета деш хилар. Боккха толам баьккхаб Мохьаммада из фильм вай метта дакхарца. Ер мо лоарх1аме г1улакхаш вай доре, вай мотт къалбусаргбацар. Де деза яхаш ца дувцаш, т1акхийта де деза вай моллаг1а цу хьакхеха г1улакх. Керттера дар да: вайна юкъе из бувцар, ший наьна мотт хар, из бовзар, вай х1аране декхар да.
Дала низ лолба вайна, вай мотт дег1абоалабера къахьега.
ДЗОВРНАЬКЪАН Аза

Вы можете разместить эту новость у себя в социальной сети

Доброго времени суток, уважаемый посетитель!

В комментариях категорически запрещено:

  1. Оскорблять чужое достоинство.
  2. Сеять и проявлять межнациональную или межрелигиозную рознь.
  3. Употреблять ненормативную лексику, мат.

За нарушение правил следует предупреждение или бан (зависит от нарушения). При публикации комментариев старайтесь, по мере возможности, придерживаться правил вайнахского этикета. Старайтесь не оскорблять других пользователей. Всегда помните о том, что каждый человек несет ответственность за свои слова перед Аллахом и законом России!

Комментарии

Чт, 26/09/2013 - 08:19

Далла сий долда хьа Аза

© 2007-2009
| Реклама | Ссылки | Партнеры