Йоккхача городе яхаш
хьалкхийнай ши йиша – Та-
милаи Камилаи. Юртарча
наха зоахалол а даь, маьре
яхай Тамила. Хьоалчаг1а
д1адаьнначул т1ехьаг1а,
коа-карта кулг тоха аьнна
арадаьннад къона нускал.
Нувхаш к1еззига юхейитая-
ле а, нув а хьикхаб Тамилас,
цхьайола пхьег1аш кулг ца
тохаш йисаяле а, пхьег1аш
йилай Тамилас
, ерригаш яьха
еце а, карта йисте яг1а йо-
арх1аш д1аяьхай Тамилас.
Ч1оаг1а к1аьдъенна, к1арц-
халаш иха кулгаш лазаш маь-
рнана йолча чуяхай нус.
- Ва мама, - аьннад цо, -
хала дале а, болх бир аз, коа
лостам бир, пхьег1аш д1аяь-
хар. Х1анз фу де деза аз?
- Ай, из-м хьа болх д1а-
болабалар мара дац, хьона,
йи1иг, - аьнна, елаеннай маь-
рнана. – Сарахьа 1улгара
етт чубеча, из бетта без-
аргба хьа. Хьашт-дале, газа
йийттача а яьннай хьо.
Хьат1акхаьчай сайре. Ве-
дар бе а елла, 1атта духьала
яхай Тамила. Цхьабакъда, цо
фуннаг1а дарах етт бетта
в1ашт1ехьа даьннадац цун.
Ер хьалхашка яьлча, му1аш
1отта г1ерташ, т1ехьаш-
ка яьлча, м1арга тоха г1ер-
таш, оаг1онца яьлча, му1аш
1отта а м1арга тоха а г1ер-
таш корзаг1бувлаш хиннаб
етт. Яьсса ведар бе а йоал-
лаш нус чуеча, г1улакх ше ма
дарра кхета а даь, елаеннай
маьрнана.
- Хьаста безар 1а етт,
- аьннад цо, - тебе безар.
Т1аккха шура а яхьаш чуена
хургьяр хьо. Х1ама дергдац,
газа етташ аттаг1а хургда
хьона.
Цу сарахьа хоам бенаб,
цу юртарча наха Камила йо-
даяьй аьнна. Йо1 ше раьза
йолаш яхай е бартаг1а до-
ацаш йигай хатта яхийтай
Тамила. Ше хьалкхаьчача,
йишийга хаьттад цо:
- Ва Камила, малаг1а
аькха да сага эггара кхера-
мег1а дар?
- Лом хургда-кх, - аьнна,
цецъяьннай Камила.
- Ма мотталахь, ма
хеталахь иштта, - аьнна,
корта лостабаьб Тамилас.
– Со а яр, хьона, из иштта
да яхаш. Цхьабакъда, х1анз
хов сона 1аттал кхерамег1а
аькха доацилга. Дала лора-
долда вай цун му1ех, баргех,
б1аргех. Хье укхаза юсаш
хуле, маьрнаьнага етт бет-
та хац сона алалахь. Газа
етта раьза я со алалахь.
Кастта саг йодаяьча
метте тоам баьб, хьоал-
чаг1а хиннад. Маьрнаьнаца
ший къамаьл хоттаделча,
йишас шийна даь хьехар дага
а деха, несас аьннад:
- Нани, етт бетта ма
алалахь сога. Фуннаг1а кхы-
дар дергда хьона аз, цхьа-
бакъда етт бетта ховргдац
сона.
- Етт ца бетте, кхы фу
етта лаьрх1а я хьо? – аьнна,
цецъяьннай маьрнана.
Нус ч1оаг1а уйланга
яхай. Ше фу аргда ца ховш
лаьттай из.
- Газа етталургья сона, -
аьннад цо.
Сарахьа кхий долча д1ай-
игай нус маьрнанас.
- Ер я хьона газа, 1оет-
та, - аьннад йоккхача саго,
шоай дег1а эсала болча
1атта п1елг т1а а хьекха.
- Ер-м йий-те газа? – аь-
нна, цецъяьннай нус.
- Я, хьона, из газа,-аьннад
маьрнанас. – Са ц1ендас
сога фу оал хой хьона? Хьо
дика ц1ен-нана яларе, етт
лелабу аз яхаш, ер газа ет-
таш яг1аргьяцар хьо. Уж
т1ехбеттамаш деш са хьал-
даккхеи 1очудоллеи йитац
хьона цо со. Хье ца теше,
хьай маьрдаьга хатталахь.
Комментарии
Уважаемые посетители сайта! Напоминаем, у тех кто зарегистрирован и, пишет под своей "учетной записью" (никнейм), а не инкогнито, комментарии проходят без просмотра администрации, то есть автоматически. С/у Администрация Magas.Ru