Главная Стартовой Избранное Карта Сообщение
Вы гость вход | регистрация 29 / 03 / 2024 Время Московское: 10013 Человек (а) в сети
 

Хам бе вай!

Ер кхайкарал аз ду дерригача а г1алг1ай мехка халкъанга.
Моаршал да шуга, хьамсара мехкахой! Берза 1азал, яха ч1оаг1а шелал д1а а еха, шера диазза хувцалуш болча хаоттамех йола, б1аьстий яха ха хьаэттай вайна.

Массаболча хаоттамал къаьгаг1а хозаг1а я из ха. Шийлача 1ано, шелдаь унзарадаьккха, д1алечкъа кагий дийнаташ, оакхарий, оалхазараш б1аьстий яларца г1аддаха шоаш те1а доахкачара хьарадувлаш да. Адам а, самукъадаьнна да денош сийрдаг1а, къаьгаг1а, д1айхаг1а ухаш. Х1ана аьлча, б1аьстий яларца парг1атдоал адам, 1анна шоаш ц1аг1абаг1ар эшаде дунен т1а г1олла, шоашта рузкъа лаха а, мехка г1улакха къахьега а д1а-хьа баржа нах. Иштта вай мехка бахархой а ба цу боламца ийна.

Вай юртбоахамхой ба лаьтта д1аде уйла йолаш къахьегаш. Цар хьийгача къих, царга шоашка а, мискача нахага а парг1ато кхоача. Цхьаболча нахага шортта да д1аде лаьтта, х1аьта в1алла из доацаш ба шоллаг1бараш. Бакъда, юрта бахача нахах наггахьа саг мара хургвац вай, д1аде лаьтта доацаш, цхьаболчар йоккхий бешамаш а я. Амма, царех дукхаг1бараш цу лаьттанца бала боацаш из д1аде в1алла дагадоаг1ача а бац. Йоарх1аш т1а а яьнна, карташ еха, доал деш саг а воацаш даьсса дада дукхаг1болча наьха лаьтташ. Ишта ухка лаьтташ б1аргадайча дагадох, «Фу хаьдача даь коа, йоарх1 яьннай», яха халкъа кица. Фу хаданза, коа а ц1аг1а а нах-м лел цу наьха, х1аьта а, иштта дада лаьтташ б1аргадайча хеталу-кх, доал де саг вац хьог1 акхарна, фу хаьда ба хьог1 укх лаьтта дай аьле. Из хетадалара а е дагадоссара а бола бехк са а, е сона мо из дагадехачара а бац, бехк ба, сона а кхыча наха а из х1ама дагадоссийташ болча, цу пайда цаэцаш арий дадача альттай дай.

Дала шоашта хьаденнача лаьттах пайда ийцача бакъахьа бар наха. Шоаш из д1а цадуй а, наха цунца пайда бе йиш йолаш ба уж. Дукхаш ба вай мехка д1аде шоай лаьтта доацаш, долчарех хьегаш. Цудухь аз аргдар лаьтта долча нахага, нагахьа санна оашош из латьтта д1а ца дуй, д1адургдолча нахага д1алудалар оаша из. Царга мукъаг1а къахьегийта цу лаьтта т1а. Цар пайда эцаргбар цох. Вай ишта нийсдича, ши маьл болаш х1ама хулар цох, т1аккха. Дала хьаденнача х1амах хам бареи, мискача наьха къел йохаяреи.

Ер т1адена 2015 шу хала хургда, д1аихача шерашка хинначул ч1оаг1аг1а нахага къел кхоачаргья яхаш кхайкаду вайна. Цу халон духьал овтта а, из къел йохае а аьттув хургба вай, наха шоашка долчох пайда бойя. Цул совг1а, таьргера молхаш йийтта толхадаьр эцачул г1ойле я наха, шоай бешамашка шоай аьттув бола хаьс д1а а дийна, шоаш къа а хьийга, ц1енаг1дар диача. Нахагара эцача х1амах д1алушдола ахча а шоашта чудусаргдар царна, т1аккха. Доагг1ача тайпара къахьеге хьувкъаргда вай д1адийнар. Вай мехка хьа цахулаш наггахь мара хьас да а дац.

Адама юкъе дукха нийслу нах, таьргера ийдеш дуача х1амах лазараш хул, яхаш дувцаш. Бакъда, из шоаш дувцашше шоай бешамаш д1а а йийна къахьега лаьрх1а бац. Хийла саг вода наьхацигара шура, морз, ета шура, к1олд еха. Къаьстта шура ех,  к1опилгашка чуетта йохкаш йолчох шоаш ца тешандаь 1аттаг1ар яьккха йоагг1ача тайпара яр ц1енаг1а хеташ. Дукхаг1а, ц1аг1а кагий бераш дола нах ба уж. Амма, етт лелабе лаьрх1а-м саг вац. Айя, таьргера, х1ама теха кийчъяр а цаэцаш, нахагар еха а цаводаш шийна етт лелабича бакъахьа беций сага. Вай даьша яхад, «Деха наха на1аргаводачул, болх баь дег1 то1адар тол». Бакъахьадар вай, х1анз укх хьаяьннача б1аьстенца хоза къахьега долалоре. Доацачунга х1ама яхац аз, долчо мукъаг1а къахьийгача бакъахьа да. Цхьа к1еззигачох, хьадича х1ама хьа ма хулий. Даьра вай даьг1ад аьнна ше-ших х1ама хьа ма хургдац.

Хийла саг, беш д1ае а, етт лелабе а эхь хеташ хайна ваг1аш хул. Етт лелабар, беш д1аер, дег1 то1адар, наха новкъостал дар эхь дац, эхь да, къа цахьегареи, шийга доацачох хьегаш ваг1ареи, нахагар х1ама деха ахареи!

Са хьамсара мехкахой! Дукха деза сона шо. Деза, сайга мел дар шоана д1адаллал. Хоза мохк ба вайна Дала беннар, хьаьна лаьтта а да вай мехка Дала нийссдаьр. Цудухьа, юха а дехар ду аз шуга, хала ца а хеташ мекъал д1а а яьккхе, шийга долчо лаьтта д1аде, аьттув болчо етт, устаг1а, москал, котам лелае, хьунаг1ара даьккхе дахча дохка, е кхаш д1адувча нахаца дакъа лаьце къахьега, е нокхарий леладе. Хам бе, Дала хьаденначунна. Цхьаволчо ала тарлу, сона мага-м магац къахьега. Нагахьа санна, цхьа ч1оаг1а к1алвиса хала лазар долаш саг веце, аз яххача тайпара къахьеге, дег1 а мукадаргда вай, саготонаш а йицлургья вайна, цамогаш а к1езигаг1а хургда вай. Цул совг1а, мехка таро а совъяргья, наьха вахара хьал а тоалургда.

Цхьа х1ама да вай массане а кхетаде дезаш, кхетадинза дарг а доацаш. Вай воашош цахувце вай хьал хувцалургдоацалга ха деза вайна.

Дала дикача оаг1орахь хувцалда вай хьал!

 

Матенаькъан Илез!
Magas.ru

Вы можете разместить эту новость у себя в социальной сети

Доброго времени суток, уважаемый посетитель!

В комментариях категорически запрещено:

  1. Оскорблять чужое достоинство.
  2. Сеять и проявлять межнациональную или межрелигиозную рознь.
  3. Употреблять ненормативную лексику, мат.

За нарушение правил следует предупреждение или бан (зависит от нарушения). При публикации комментариев старайтесь, по мере возможности, придерживаться правил вайнахского этикета. Старайтесь не оскорблять других пользователей. Всегда помните о том, что каждый человек несет ответственность за свои слова перед Аллахом и законом России!

Комментарии

magoma Сб, 28/03/2015 - 23:26

Амин

тттт Сб, 28/03/2015 - 20:00

Амин

Гость индус Сб, 28/03/2015 - 12:28

""Massabolcha haottamal k'a'gag1a hozag1a ia iz ha. SHiylacha 1ano, shelda'
unzarada'kkha, d1alechk'a kagiy diynatash, oakhariy, oalhazarash b1a'stiy
ialarca
g1addaha shoash te1a doahkachara h'araduvlash da. Adam a, samuk'ada'nna da
denosh
siyrdag1a, k'a'gag1a, d1ayhag1a uhash. H1ana a'lcha, b1a'stiy ialarca
parg1atdoal
adam, 1anna shoash c1ag1abag1ar eshade dunen t1a g1olla, shoashta ruzk'a laha a,
mehka g1ulakha k'ah'ega a d1a-h'a barzha nah. Ishtta vay mehka baharhoy a ba cu
bolamca iyna.""
вот так приходится переводить текст на латиницу и чать, что там написано. На
кириллице практически не могу читать . Не пойму почему.
Короче - OMDI DISHA, takh DISHA!, как говорили в сенате древнего РИМА.

Гость Ах1мад Сб, 28/03/2015 - 11:06

Илез, баркал х1она г1алг1ай метта 1а яздерах. Дукха ба вай доакхий къамаьлаш деш 1а дечох иттла дола дакъилга х1ацадеш. Аьттув хилба х1а.

pochemuchik Сб, 28/03/2015 - 15:42

Амийн!!!

© 2007-2009
| Реклама | Ссылки | Партнеры