Нийса пхи шу и цхьа ди и хьалха г1алг1ай греко-римски оалача латарах волча бореца (дозал шовзт1къе пхийтта кийлага кхаччалца)

, Манкинаькъан Назира пекински Олимпиадах яьккхар эггара хьалхара дошо майдилг. Из котало Назира яьккхар нийсделар шийттлаг1ча августе, ши эзар барх1лаг1ча шера - яхьаш д1ахьоча пхелаг1ча дийнахь. Хьалхара диъ ди ч1оаг1а пайдане доацаш чакхдаьлар вай команданна - ца1 дошо майдилг йоацаш.
Иззамо х1ама ц1аккха а хиннадацар цу тайпа йоккхача таханарча заман яхьащка вай спортсменаш дакъалаца болабелча денз, 1952 шера мара. Вай команда кулгалхой корзаг1балар гуш дар. Яхьаш д1айолаелалехь кулгалхоша лаьрх1ар дар, къезигаг1а дале а, командни шоаллаг1а моттиг яьккха. К1езига дозал оза спортсменашта юкъе конкуренци йоккха хиларах, моттацар специалисташта Назира котало йоккхаргья аьнна. Назир котваьлар. Из летар Азербайджанерча дунен чемпионаца Байрамов Равшанаца - (6:5 ялх - пхиъ). Г1алг1ай спортсмена дошо майдилг яккхарах «сардам» т1ера д1абаьлар Россе спортсменашта т1ера, х1аьта хьалхарча диъ дийнахьа котало яккха аьттув ца баларах, юкъара командни зачетах кхоалаг1а моттиг елар Россена, КНР-н, США-н д1аяьлча.
Манкиев Назира ший ц1и д1аяьзъяй дунен чемпионаташта юкъе, цун аьттув баьлар эггара хьалха котало яккха Пекине хиннача Олимпиаде россе спортсменашта юкъе.
ГАДАБОРШНАЬКЪАН Абу,
таржам даьр Дзоврнаькъан Аза
Сердало