КIУВ-МУВ

Кув мув, чабатька,

Латам, бетам, пирпале,

Дувс, мувс, вазак бене кенез.

Цхьа, цхьа, цхьайтталге,

Цхьаккха воаца шийтталге,

Ши ет бетта кIудальге,

ГIалий кера вагIарге,

Топа хьаьса увзарге,

Хьаьса тIийргаца тедарге,

Алла, билла, Даьле,

Хабар харца Селе.

АцIига, бицIига, бицIа,

цIалга, цIахьма цIуле,

Чишка нана, гIовро,

Ткъовро, еппар деши,

АцIига, бицIига, бицIа цIалга, цIахьма цIуле,

ГIаз-гIумке, хьазилга тIох.

МОТЫЛЁЧЕК

Мотылечек, мой дружочек,

Ты оставь, оставь цветочек,

Вокруг меня, ты покружись,

На ладошку, мне садись.

Встрепенулся мотылёк,

Он оставил свой цветок,

Вокруг меня он, покружился,

На ладошку опустился.

Мотылечек, мой дружочек,

Ты оставил свой цветочек,

На ладошку ты мне сел,

Тебе песенку я спел:

– Мотылечек, мой дружочек,

Взвейся в небо, голубочек,

Над полями, полетай,

Все цветочки, посчитай,

Ты считай, считай, считай,

По цветочку собирай,

Соберёшь ты сам охапку,

Половину мне отдай.

Взвился в небо, мотылечек,

Надо мною мечет круг,

Он сорвет, сорвет цветочек,

И подарит мне как друг.

Мотылечек в небе кружит,

Машет крылышками, тик, так,

Голову мне счастье кружит,

И бьётся сердце так, тик, так.

ЭСА

Масса уд хьо гIалгIай Эса,

Уйла ца еш, хьай тIом беш,

Ет Iа талгIеш, цу чхараш-тIа,

Хьай мухь бетташ, узам беш,

Къар ма ле хьо, нана Эса,

Чхараш духьал яра аьле,

Къар ма ле хьо, нана Эса,

Кьовсам дорха, бара аьле.

Хьай талгIеш Iа, орчу хьоййа,

Орчура-орчу, корчайоййа,

ГIорчIам йоахаш, дIай-хьай етт,

Царех эзар цицха, доййа,

Гаьнна урагIа, пхорагIа детт,

Къар ма ле хьо, нана Эса,

Ораш кIоарга, дара аьле,

Къар ма ле хьо,нана Эса,

Голаш етташ, яра аьле.

Эзар-эзар шера удаш, лоаман моакхаз Iа леIаб,

Цунах хьайна, гечо доаккхаш,

Гоама-чIоама никъ хьабаьб,

Къар ма ле хьо, нана Эса,

Гечо моакъаза дар аьле,

Къар ма ле хьо, нана Эса,

Никъ хьай гоама бара аьле.

Масса уд хьо, гIалгIай Эса,

Уйла ца еш, хьай тIом беш,

Ет Iа талгIеш, цу чхараш-тIа,

Хьай мухь бетташ, узам беш,

Къар ма ле хьо, нана Эса,

Адал масса хьай никъ беш,

Еттал талгIеш цу чхараш-тIа,

ДIахо хулчун, уйла а еш.

ГОТА XЬА3ИЛГ

Гота хьазилг, гота хьазилг,

Тха коа карта доссалахь,

Сихача боралца, масса удаш,

Тха коа гIолла, дадалахь.

Сихха лувз Iа, зIамига когаш,

Кортилг куро, боагIабеш,

Хоза уд хьо, цIогилг эгаш,

Хьай адарца тхо тоам беш.

Адал масса, хоза декаш,

Хьайна напагI, Iалаш деш,

ГIеттал доссал, кадай лелаш,

Хозача бIаьстенна, хам беш.

Марша да хьо, гота хьазилг,

Хоза кхаъа бенаб Iа,

Марша да хьо, гота хьазилг,

Тхона бIаьстий енай Iа.

Гота хьазилг, гота хьазилг,

Тха коа карта доссалахь,

Гота хьазилг, гота хьазилг,

Тха коа карта хьовзалахь.

БОППА

Боппа, боппа, баь боппа,

БIаьстий яьнна буц хьалкъед,

Ара опа яь боппа, дошо зизай аре леп,

Боппа, боппа баь боппа, ара опа яь боппа,

БIаьстий яьнна буц хьалкъедаш,

Дошо зизай аре леп.

Боппа боппа, баь боппа,

БIаьстан буц хьо теркалахь,

Ара опа яь боппа, зизай аре лепалахь,

Боппа, боппа, баь боппа, ара опа яь боппа,

БIаьстан баьцо талгIеш етташ, зизай аре лепалахь.

Боппа, боппа, баь боппа,

Сигал бIаьстан хьазилг дек,

Ара опа яь боппа, лаьтта хьона аз йиш лекх,

Боппа, боппа, баь боппа, ара опа яь боппа,

Сигала бIаьстан хьазилг декаш,

Лаьтта хьона аз йиш лекх.

Боппа, боппа, баь боппа,

Нокхар-мозий хьогахь лест,

Ара опа яь боппа, ловза бераш гонахь кхест,

Боппа, боппа, баь боппа, ара опа яь боппа,

Нокхар-мозий хьогахь лесташ,

Ловза бераш гонахь кхест

Боппа, боппа, баь боппа,

Бийса баьде седкъий кхест,

Ара опа яь боппа,

Баьцо шершаш боча хьест,

Боппа, боппа, баь боппа,

Ара опа яь боппа,

Бийса баьде, седкъий къедаш,

Баьцо шершаш боча хьест.

Боппа, боппа, баь боппа,

Ана юхе са тессад,

Ара опа яь боппа,

Ара баь-тIа тхир дессад,

Боппа, боппа, баь боппа,

Ара опа яь боппа,

Ана юхе са тоссаша,

Ара баь-тIа тхир тессад.